خااااص لااحبااائى منتدى {}درباااوي{}

ثر المصايب ماتجيك الا من الناس الاقراب
وبهالزمن حتى الخوي الي تثق فيه احذرة
لا بارك الله في رفيق تزعله كلمه عتاب
ولا جمع الله رجال تفرقهم مرة
عودت نفسي كل ما شددت لليمه ركاب
ما أصد وجهي عن طريق الا اذا جبت اخبرة
الصاحب الي مايج من صحبته غير العذاب
نذر علي ان ما هجرني والا انا الي بهجره
من يفتح لفرقاي باب افك له عشرين باب
واذا خويي مايقدر خوتي ما اقدره
ان روحوا فأنا بري منهم ليوم الحساب
وان جرحوا قولوا لهم ماحركوا فيني شعره
شفهم لهم حول السنه ولا خذوا مني جواب
احسن دوا للي يحاول يستفزك تحقره
أنا جمعت اوراقهم بكتاب واغلقت الكتاب
ياوقت لم الي تلمه وانثر الي تنثره
ماكنت احاتيهم صغير عاد احاتيهم شباب
ان ما أذخر حزني صاحبي لليوم الاسود اذخره
عقبك تآب البارحه .. ماعاد انا حمل اكتئاب
الطيب جرجرني وأنا مانيب ناقص جرجره
الي يخاف من الظما يترك لنا برد السراب
والي ماهوب قد الظلام و وحشته لا يسهره
انا تجرعت الظما لين احترق وجهي وذاب
انا كسرت بخاطريقبل الصداه تكسرة
انا خسرت الي غيابه غير عن كل الغياب
انا غفرت لعالم ماتستحق المغفره
انا اكثر انسان تعلم من كثر ما أخطا واصاب
انا آخر انسان يتكلم في زمان الثرثره
انا القصيد الي نزع من دفترة مليون ناب
وانا الوحيد الي جمع مليون ناب بدفترة
جفني وجرح السهر حيلي وهدته الصعاب
دمعي هدر .. ضحكي ندر .. عمري وضيعت اكثره
شيبت بعقول العرب هيبت راس ما تهاب
جمهرت ناس عمرهم ما يعرفون الجمهره
ماصرت ذيب الا لأن الي حواليني ذياب
ماكنت اغيب الا لأن العفو عند المقدره
ترى حلاتك لا حملت لصاحبك كلمه عتاب
ان ما نطقتها بوجهه وما تذمه بظهره
في هالزمن ما يملي عيون الحسود الا التراب
والا الحضيض الطلقه الي ماتصيب تذعره
ودك اليا من جاتك الغلطه من الناس القراب
الصاحب الي ماكسبت محبته ماتخسره





انشاء الله تعجــبكم استنى ردودكم ..!!